மரக்கன்றுகள் வழங்கும் நிகழ்ச்சி

சேரன்மாதேவி:

கோபாலசமுத்திரம் கிராம உதயம் தலைமை அலுவலகம் சார்பில், முன்னாள் ஜனாதிபதி அப்துல்கலாமின் நினைவு தினத்தை முன்னிட்டு 500 மரக்கன்றுகள் வழங்குதல், நடுதல், பராமரித்தல் மற்றும் 500 துணிப்பைகள் வழங்கும் நிகழ்ச்சி நடைபெற்றது. கிராம உதயம் நிர்வாக இயக்குனர் சுந்தரேசன், அப்துல்கலாம் படத்துக்கு மாலை அணிவித்து மரியாதை செலுத்தினார். பின்னர் அனைவருக்கும் மரக்கன்றுகள் மற்றும் துணிப்பைகளை வழங்கினார்.

கிராம உதயம் ஆலோசனைக்குழு உறுப்பினர் வக்கீல் புகழேந்தி பகத்சிங் முன்னிலை வகித்தார். நிர்வாக மேலாளர் மகேஸ்வரி வரவேற்று பேசினார். பகுதி பொறுப்பாளர்கள், அப்துல்கலாம் பற்றி கருத்துரை வழங்கினர். தனி அலுவலர் கணேசன் நன்றி கூறினார். நிகழ்ச்சியில், கிராம உதயம் தன்னார்வ தொண்டர்கள், உறுப்பினர்கள் மற்றும் பொதுமக்கள் திரளாக கலந்து கொண்டனர்.