காட்டழகிய சிங்கர் கோவிலில் சகஸ்ரதீபம்

ஸ்ரீரங்கம்:

ஸ்ரீரங்கம் ரெங்கநாதர் கோவிலின் உப கோவிலான காட்டழகிய சிங்கர் கோவிலில் நேற்று மாலை சகஸ்ரதீபம் மற்றும் சிறப்பு கூட்டு வழிபாடு நடந்தது. சகஸ்ர தீபத்தையொட்டி கோவில் மண்டபங்கள், மதில் சுவர்கள், நந்தவனம் உள்பட கோவில் பிரகாரங்களில் ஏராளமான விளக்குகளை பக்தர்கள் ஏற்றி வைத்து வழிபட்டனர்.

கோவில் வளாகத்தில் நாதஸ்வர இன்னிசை, ஆன்மிக பக்தி இன்னிசை நிகழ்ச்சிகள் நடைபெற்றன. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். விழாவிற்கான ஏற்பாடுகளை ஸ்ரீரங்கம் ரெங்கநாதர் கோவில் இணை ஆணையர் மாரிமுத்து மற்றும் கோவில் ஊழியர்கள் செய்திருந்தனர்.