வருமுன் காப்போம் மருத்துவ முகாம்

பாவூர்சத்திரம்:

தென்காசி மாவட்ட பொது சுகாதாரம் மற்றும் நோய் தடுப்புத்துறை சார்பில், கீழப்பாவூர் ஊராட்சி ஒன்றியம், குணராமநல்லூர் ஊராட்சி, மேலமெஞ்ஞானபுரத்தில் கலைஞரின் வருமுன் காப்போம் திட்ட மருத்துவ முகாம் நடைபெற்றது. மாவட்ட கவுன்சிலர் ரா.சாக்ரடீஸ், ஒன்றிய கவுன்சிலர் ஜான்சி ஜெபமலர், ஊராட்சி மன்ற தலைவர் சுபா சக்தி முன்னிலை வகித்தனர். வட்டார மருத்துவ அலுவலர் டாக்டர் ராஜ்குமார் வரவேற்றார். மருத்துவ முகாமை யூனியன் சேர்மன் காவேரி சீனித்துரை தொடங்கி வைத்தார். மருத்துவ குழுவினர் சிகிச்சை மேற்கொண்டனர்.

இதில் தி.மு.க. நிர்வாகிகள் மாரிமுத்து, அருள்ராஜ், ஆரோக்கியசாலமோன், எட்வின், பவுல்ராஜ், பெத்தேல்ராஜ், உள்ளிட்ட பலர் கலந்து கொண்டனர்.