உலக நன்மை வேண்டி வன்னிமரம் சிவன் கோவிலில் 108 சங்கு பூஜை

எருமப்பட்டி:

எருமப்பட்டி அருகே முட்டாஞ்செட்டியில் உள்ள வன்னிமரம் சிவன் கோவிலில் உலக நன்மை வேண்டி 108 சங்கு பூஜை நடந்தது. முன்னதாக சாமி, நந்தி பகவானுக்கு சிறப்பு அபிஷேகம், அலங்காரம் செய்யப்பட்டது. தொடர்ந்து மகாதீபாராதனை நடந்தது. பின்னர் 108 சங்குகளை வைத்து, மழை பெய்ய வேண்டியும், விவசாயம் செழிக்கவும் பூஜை செய்யப்பட்டது. இதில் முட்டாஞ்செட்டி மற்றும் சுற்று வட்டார பகுதிகளை சேர்ந்த பக்தர்கள் கலந்து கொண்டு சாமி தரிசனம் செய்தனர். முடிவில் அனைவருக்கும் பிரசாதம் வழங்கப்பட்டது.