வாகனங்களில் போலீசார் தீவிர சோதனை

செங்கோட்டை:

கேரளாவில் ஓணம் பண்டிகை வருகிற 29-ந் தேதி கொண்டாடப்படுகிறது. பண்டிகை காலங்களின் போது ஏதேனும் சட்டம்-ஒழுங்கு பிரச்சினைகள் ஏற்படாத வகையிலும், அசம்பாவித சம்பவங்கள் ஏதேனும் நிகழாத வகையிலும், மது உள்ளிட்ட போதை பொருட்களின் கடத்தல் சம்பவங்களை தடுக்கவும் காவல்துறை சார்பில் பல்வேறு பாதுகாப்பு முன்னெச்சரிக்கை நடவடிக்கைகள் எடுக்கப்பட்டு வருகிறது.

அதன்படி தமிழக-கேரள எல்லையான ஆரியங்காவு பகுதியில் இருமாநில மதுவிலக்கு போலீசார் இணைந்து மோப்பநாய் உதவியுடன் தீவிர வாகன சோதனையில் ஈடுபட்டனர்.

குறிப்பாக, தமிழகத்தில் இருந்து கேரளாவிற்கு செல்லும் அனைத்து வாகனங்களையும், அதுபோல் கேரளாவில் இருந்து தமிழகத்திற்குள் நுழையும் அனைத்து வாகனங்களை முறையான சோதனைக்கு பின்னரே இரு மாநிலங்களுக்குள் செல்வதற்கு அனுமதித்தனர்.