அரசு பள்ளியில் உடற்பயிற்சி முகாம்

திருத்துறைப்பூண்டி அருகே உள்ள கட்டிமேடு அரசு மேல்நிலைப் பள்ளியில் மாணவ, மாணவிகளுக்கு கூட்டு உடற்பயிற்சி முகாம் நடந்தது. உடற்கல்வி பாடங்களை முழுமையாக நடத்தும் வகையில் வெள்ளிக்கிழமை தோறும் மாலை நேர கூட்டு உடற்பயிற்சி பள்ளிகளில் நடைபெற்று வருகிறது. பள்ளிக்கல்வி துறையின் வழிகாட்டுதலின்படி இந்த கல்வி ஆண்டுக்கான கூட்டு உடற்பயிற்சி முகாம் கட்டுமேடு அரசு மேல்நிலைப் பள்ளியில் தொடங்கப்பட்டுள்ளது. இதை பள்ளி தலைமை ஆசிரியர் பாலு தொடங்கி வைத்தார். மனவளக்கலை பேராசிரியர் பாலசுப்பிரமணியன் கலந்து கொண்டு பேசினார். உடற்கல்வி ஆசிரியர் நேதாஜி உடற்பயிற்சி அளித்தார். இதற்கான ஏற்பாடுகளை ஆசிரியர்கள் சந்திரசேகரன், கவியரசன், ரகு, வடிவேல், இளங்கோவன் ஆகியோர் செய்திருந்தனர்.