உடற்கல்வி ஆசிரியர்கள் ஆலோசனை கூட்டம்

கடையநல்லூர்:

தென்காசி வருவாய் மாவட்ட அனைத்து வகை பள்ளிகளின் சார்பில் உடற்கல்வி இயக்குனர்கள் மற்றும் உடற்கல்வி ஆசிரியர்கள் ஆலோசனை கூட்டம் கடையநல்லூர் அரசு பெண்கள் மேல்நிலைப்பள்ளியில் நடைபெற்றது. மாவட்ட முதன்மை கல்வி அலுவலர் முத்தையா தலைமை தாங்கினார். மாவட்ட தொடக்கக்கல்வி அலுவலர் அருளானந்தம், மாவட்ட உடற்கல்வி ஆய்வாளர் காந்திமதி ஆகியோர் முன்னிலை வகித்தனர். உடற்கல்வி இயக்குனர் நாராயணன் வரவேற்றார்.

கூட்டத்தில், கடந்த ஆண்டு மாநில அளவிலான விளையாட்டு போட்டிகளில் வெற்றி பெற்ற மாணவ-மாணவிகளுக்கு பரிசுகள் வழங்கப்பட்டன. ராமநாதன், துரை ஆகியோர் வாழ்த்தி பேசினர். நிகழ்ச்சியில் தலைமை ஆசிரியர்கள் சேவியர் பிரிட்டோ, குமரேசன், அன்னக்கிளி மற்றும் உடற்கல்வி இயக்குனர்கள், உதவி உடற்கல்வி ஆசிரியர்கள் கலந்து கொண்டனர்/