ரூ.10 லட்சத்தில் புதிய அங்கன்வாடி மையம் திறப்பு

பேட்டை,:

நெல்லையை அடுத்த கல்லூரில் ரூ.10 லட்சத்தில் புதிய அங்கன்வாடி மையம் கட்டப்பட்டு திறப்பு விழா நடந்தது. கல்லூர் ஊராட்சி மன்ற தலைவர் பாலசுப்பிரமணியன் வரவேற்று பேசினார். நயினார் நாகேந்திரன் எம்.எல்.ஏ. சிறப்பு விருந்தினராக கலந்து கொண்டு புதிய அங்கன்வாடி மையத்தை திறந்து வைத்து குத்துவிளக்கு ஏற்றி பேசினார். பழவூர் பஞ்சாயத்து தலைவர் பார்வதி குமாரசாமி, மாவட்ட கவுன்சிலர் சத்தியவாணி முத்து, கல்லூர் முன்னாள் பஞ்சாயத்து தலைவர் வெள்ளைபாண்டியன், ஊராட்சி செயலாளர் அய்யப்பன் உள்பட பலர் கலந்து கொண்டனர். பாப்பாக்குடி வட்டார வளர்ச்சி அலுவலர் சங்கரகுமார் நன்றி கூறினார்.