நீர்மோர் பந்தல் திறப்பு

ஆலங்குளம்:

தி.மு.க. சார்பில் ஆலங்குளம் ஊராட்சி ஒன்றிய அலுவலகம் முன்பு நீர்மோர் பந்தல் அமைக்கப்பட்டு, திறப்பு விழா நடந்தது. தென்காசி தெற்கு மாவட்ட செயலாளர் சிவபத்மநாதன் தலைமை தாங்கி, நீர்மோர் பந்தலை திறந்து வைத்தார். ஆலங்குளம் யூனியன் சேர்மன் திவ்யா மணிகண்டன் முன்னிலை வகித்தார். அந்த வழியாக வந்த பொதுமக்களுக்கு சர்பத், மோர், இளநீர், நுங்கு, தர்பூசணி போன்றவை வழங்கப்பட்டது. இந்த விழாவில் ஒன்றிய அலுவலக ஊழியர்கள், கட்சி நிர்வாகிகள் மற்றும் பொதுமக்கள் கலந்துகொண்டனர்.