குளத்தில் மூழ்கி முதியவர் பலி

தஞ்சை மாவட்டம் ஒரத்தநாட்டை அடுத்துள்ள பாப்பாநாடு சங்கரன் தெருவை சேர்ந்தவர் பழனியாண்டி (வயது 63). இவர் நேற்று முன்தினம் அதே பகுதியில் உள்ள ஒரு குளத்தில் குளித்துக் கொண்டிருந்தார். அப்போது அவர் எதிர்பாராதவிதமாக குளத்தில் மூழ்கினார். நீண்ட நேரமாகியும் பழனியாண்டி வீடு திரும்பாததால் அவரது மனைவி இந்திராகாந்தி மற்றும் உறவினர்கள் அவரை தேடிச் சென்றனர். அப்போது பழனியாண்டி குளத்தில் பிணமாக மிதந்துள்ளார்.

போலீசார் விசாரணை

இதுகுறித்த தகவலின்பேரில் பாப்பாநாடு போலீசார் சம்பவ இடத்திற்கு விரைந்து சென்று பழனியாண்டியின் உடலை மீட்டு பிரேத பரிசோதனைக்காக ஒரத்தநாடு அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.