விபத்தில் மூதாட்டி சாவு

தூத்துக்குடி சோரீஸ்புரம் பகுதியைச் சேர்ந்த ரத்தினசாமி மனைவி கிரேஸ் (வயது 70). இவர் நேற்று முன்தினம் இரவு கோரம்பள்ளம் சந்திப்பு பகுதியில் சாலையைக் கடக்க முயன்றாராம். அப்போது அந்த வழியாக வந்த மோட்டார்சைக்கிள் அவர் மீது மோதியது. இதில் பலத்த காயமடைந்த கிரேஸை மீட்டு தூத்துக்குடி அரசு ஆஸ்பத்திரியில் சிகிச்சைக்காக அனுமதித்தனர். அங்கு அவர் சிகிச்சை பலனின்றி நேற்று உயிரிழந்தார். இதுகுறித்து புதுக்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.