நாசரேத் அருகேபுதிய டிரான்ஸ்பார்மர் இயக்கி வைப்பு

நாசரேத்:

நாசரேத் அருகே உள்ள மூக்குப்பீறி ஊராட்சி ஞானராஜ் நகரில் புதிதாக அமைக்கப்பட்டுள்ள டிரான்ஸ்பார்மரை ஆழ்வார்திருநகரி யூனியன் தலைவரும், தி.மு.க. தூத்துக்குடி தெற்கு மாவட்ட விளையாட்டு மேம்பாட்டு அணி அமைப்பாளருமான ஜனகர் தலைமை வகித்து இயக்கி வைத்தார். இந்த நிகழ்ச்சிக்கு நாசரேத் மின்சார வாரிய துணை செயற்பொறியாளர் மகேஸ்வரி, ஊராட்சி மன்ற துணை தலைவர் தனசிங் ஆகியோர் முன்னிலை வகித்தனர். விழாவில் மின்வாரிய பொறியாளர் அரிகரசுதன், ஊராட்சி மன்ற உறுப்பினர்கள் கலை அரசு, பாலசுந்தர், ஒன்றிய தி.மு.க. பிரதிநிதி மணிமாறன், மின் வாரிய ஊழியர்கள் ஞானராஜ், காளி, பொன்னையா உள்பட பலர் கலந்துகொண்டனர்.