மே தினத்தையொட்டி கிராம சபை கூட்டம்

பனைக்குளம், 

மண்டபம் யூனியன் பட்டணம்காத்தான் ஊராட்சி சார்பில் மே தினத்தையொட்டி பட்டணம்காத்தானில் கிராம சபை கூட்டம் நடைபெற்றது. கூட்டத்துக்கு ஊராட்சி தலைவர் சித்ரா மருது தலைமை தாங்கினார். சிறப்பு விருந்தினராக மண்டபம் ஒன்றிய கவுன்சிலர் ஆர்.ஜி.மருதுபாண்டியன் கலந்துகொண்டார். ஒன்றிய பார்வையாளர் சேது பாண்டியன் கலந்து கொண்டார். இதில் பட்டணம் காத்தான் கிராம நிர்வாக அலுவலர் வைதேகி, ஊராட்சி துணை தலைவர் வினோத், ஊராட்சி உறுப்பினர்கள் பலர் கலந்து கொண்டனர். கூட்டத்தில் விவாதிக்கப்பட்ட தீர்மானங்களை ஊராட்சி செயலர் வினோத் கண்ணன் வாசித்தார். தொடர்ந்து பொதுமக்கள் முன்வைத்த கோரிக்கைகள் தீர்மானங்களாக நிறைவேற்றப்பட்டன.

இதேபோல ஊராட்சி தலைவர்கள் அழகன்குளம் வள்ளி, ஆற்றாங்கரை முகமது அலி ஜின்னா, ரெட்டையூரணி கணேசன், இருமேனி சிவக்குமார், என்மனங்கொண்டான் கார்மேகம், காரான் சக்திவேல், கீழநாகாச்சி ராணி கணேசன், சாத்தக்கோன்வலசை நாகேசுவரி வீரபத்திரன், தாமரைக்குளம் களஞ்சியலட்சுமி, தேர்போகி மோகன்குமார், பனைக்குளம் பவுசியாபானு, பிரப்பன்வலசை கலா உடையார், புதுமடம் காமில்உசேன், புதுவலசை மீரான்ஒலி, பெருங்குளம் கோ.சிவக்குமார், மரைக்காயர்பட்டினம் பைரோஸ் ஆசியம்மாள், மானாங்குடி பரமேசுவரி, வாலாந்தரவை முத்தமிழ்செல்வி, வெள்ளரிஓடை சந்திரசேகர், வேதாளை செய்யது அல்லாபிச்சை, நொச்சியூரணி சீனி அரசு உள்பட 28 ஊராட்சிகளிலும் மே தினத்தையொட்டி கிராம சபை கூட்டம் நடைபெற்றது. ராமநாதபுரம் யூனியன் தேவிபட்டினம் ஹமிதியா ராணி ஜாகீர் உசேன், அத்தியூத்து அப்துல் மாலிக், சித்தார்கோட்டை முஸ்தரி ஜஹான் ஆகியோர் தலைமையில் அந்தந்த ஊராட்சிகளில் கிராம சபை கூட்டம் நடைபெற்றது.