லாட்டரி சீட்டு விற்றவர் கைது

திருக்கோவிலூர், 

திருக்கோவிலூர் செவலைரோடு பகுதியில் தடை செய்யப்பட்ட லாட்டரி சீட்டுகள் விற்பனை செய்யப்படுவதாக போலீசாருக்கு ரகசிய தகவல் கிடைத்தது. இதையடுத்து திருக்கோவிலூர் போலீஸ் சப்-இன்ஸ்பெக்டர் சதீஷ்குமார் தலைமையிலான போலீசார் அப்பகுதியில் ரோந்து பணியில் ஈடுபட்டனர். அப்போது அங்கு திருக்கோவிலூரை சேர்ந்த ராஜேந்திரன் (வயது 60) என்பவர் லட்டாரி சீட்டுகளை பதுக்கி வைத்து விற்பனை செய்து வந்தது தெரிந்தது. இதையடுத்து அவரை போலீசார் கைது செய்தனர். மேலும் அவரிடம் இருந்து 11 லாட்டரி சீட்டுகளையும் பறிமுதல் செய்தனர்.