முத்துப்பேட்டையை அடுத்த தம்பிக்கோட்டை சோதனை சாவடியில் போலீஸ் சப்-இன்ஸ்பெக்டர் பாலசுப்பிரமணியன் தலைமையில் போலீசார் தீவிர வாகன சோதனையில் ஈடுபட்டனர். அப்போது அந்த வழியாக வந்த மோட்டார்சைக்கிளை மறித்து சோதனை செய்தனர். அதில் ஒரு பிளாஸ்டிக் கேனில் புதுச்சேரி சாராயம் இருந்தது தெரியவந்தது. பின்னர் மோட்டார்சைக்கிளில் வந்தவரை பிடித்து விசாரணை நடத்தியதில், அவர் புதுக்கோட்டை மாவட்டம் குரும்பகுடி கிராமத்ைத சேர்ந்த ஆரோக்கியம் மகன் மேத்யூ என்பதும், சாராயம் கடத்தி வந்ததும் தெரியவந்தது. இதுகுறித்து போலீசார் வழக்குப்பதிவு செய்து மேத்யூவை கைது செய்து அவரிடம் இருந்த சாராயத்தையும், மோட்டார்சைக்கிளையும் பறிமுதல் செய்தனர்.