மது விற்றவர் கைது

பேட்டை:

நெல்லை அடுத்த பேட்டை மயிலப்பபுரம் பகுதியில் மதுவிலக்கு அமலாக்க பிரிவு போலீஸ் இன்ஸ்பெக்டர் முத்துலெட்சுமி மற்றும் போலீசார் ரோந்து சென்றனர். அப்போது நரசிங்கநல்லூரை சேர்ந்த தங்கராஜ் (55) என்பவர் சட்டவிரோதமாக அதிக விலைக்கு மது விற்பனை செய்து கொண்டிருந்து தெரியவந்தது. மேலும் விசாரிக்கச் சென்ற போலீசாரை பணி செய்ய விடாமல் மிரட்டியதாக கூறப்படுகிறது.

இதுகுறித்து போலீசார் வழக்குப்பதிவு செய்து, தங்கராஜை கைது செய்தனர். அவரிடம் இருந்த 18 மதுபாட்டில்கள், ரூ.300 ஆகியவற்றை பறிமுதல் செய்து சிறையில் அடைத்தனர்.