மது விற்றவர் கைது

மேலகிருஷ்ணன்புதூர்:

சுசீந்திரம் போலீஸ் சப்-இன்ஸ்பெக்டர் ராபர்ட் செல்வசிங் தலைமையிலான போலீசார் நேற்று தெங்கம்புதூர் பகுதியில் ரோந்து பணியில் ஈடுபட்டிருந்தனர். தெங்கம்புதூர் பணிக்கன் குடியிருப்பு பாலம் பகுதியில் சென்றபோது சந்தேகப்படும் வகையில் நின்ற ஒருவரை பிடித்து விசாரணை நடத்தினர். விசாரணையில், தெங்கம்புதூர் காந்திநகரை சேர்ந்த ராஜேஷ் (வயது 47) என்பதும், அந்த பகுதியில் மது விற்பனையில் ஈடுபட்டதும் தெரியவந்தது. இதையடுத்து அவரிடம் இருந்து 15 மது பாட்டில்களை பறிமுதல் செய்து அவரை கைது செய்தனர்.