மது விற்றவர் கைது

ஜெயங்கொண்டம்:

ஜெயங்கொண்டம் பகுதியில் பதுக்கி வைத்து மது பாட்டில்கள் விற்பனை செய்யப்படுகிறதா? என்பதை கண்காணிக்க போலீசார் ரோந்து பணியில் ஈடுபட்டனர். அப்போது கிடைத்த ரகசிய தகவலின் பேரில் பாப்பாங்குளம் பகுதியில் சென்று சோதனை செய்தபோது, அங்கு ஒருவர் பதுக்கி வைத்து மது பாட்டில்களை விற்பனை செய்தது தெரியவந்தது. இதையடுத்து அவரிடம் நடத்திய விசாரணையில், அவர் அதே பகுதி மாரியம்மன் கோவில் தெருவை சேர்ந்த மாணிக்கம்(வயது 64) என்பதும், வீட்டின் பின்புறம் அவர் பதுக்கி வைத்து மதுபாட்டில்களை விற்பனை செய்ததும் தெரியவந்தது. இதையடுத்து போலீசார் மாணிக்கத்தை கைது செய்து, அவரிடம் இருந்த 24 மது பாட்டில்களை பறிமுதல் செய்து விசாரணை நடத்தி வருகின்றனர்.