நெல்லையில் கயிலாய பேரணி

நெல்லையில் திருவாவடுதுறை ஆதீனம் சார்பில் சைவத்திருமுறை நேர்முக பயிற்சி மையத்தின் 7-வது தொகுப்பு நிறைவு விழா நடந்தது. இதன் தொடக்கமாக நெல்லையப்பர் கோவில் முன்பு இருந்து திருக்கயிலாய பேரணி நடந்தது. இதனை திருவாவடுதுறை ஆதீன 24-வது குருமகாசன்னிதானம் ஸ்ரீலஸ்ரீஅம்பலவாண தேசிக பரமாச்சாரியார் சுவாமிகள் தொடங்கி வைத்தார். இதில் பல்வேறு மாவட்டங்களில் இருந்து 3 ஆயிரத்துக்கும் மேற்பட்ட சிவனடியார்கள் கலந்து கொண்டனர். பேரணியில் மாநகராட்சி மேயர் சரவணன் உள்ளிட்டவர்கள் கலந்து கொண்டனர். அதனை தொடர்ந்து நெல்லை பேட்டை ம.தி.தா இந்துக்கல்லூரியில் சைவத்திருமுறை நேர்முக பயிற்சி மையத்தின் 7-வது தொகுப்பு நிறைவு விழா நடந்தது.