கடையம் அருகே புதிய அங்கன்வாடி கட்டிடம் திறப்பு

கடையம்:

கடையம் பெரும்பத்து ஊராட்சி வெய்க்காலிப்பட்டியில் புதிய அங்கன்வாடி கட்டிடம் திறப்பு விழா நடைபெற்றது. தி.மு.க. மாவட்ட செயலாளர் சிவபத்மநாதன் ஏற்பாட்டில் நடைபெற்ற இந்த விழாவுக்கு மாவட்ட கலெக்டர் துரை ரவிச்சந்திரன் தலைமை தாங்கினார். அமைச்சர் சாத்தூர் ராமச்சந்திரன் கலந்து கொண்டு அங்கன்வாடி கட்டிடத்தை திறந்து வைத்தார். மேலும் பயனாளிகளுக்கு நலத்திட்ட உதவிகள் வழங்கப்பட்டன. நிகழ்ச்சியில் ஆணையாளர் ராஜேந்திரன், பஞ்சாயத்து தலைவர் பொன்ஷீலா பரமசிவன் உள்பட பலர் கலந்து கொண்டனர்.