சத்தியமங்கலம் மார்க்கெட்டில் கனகாம்பரம் கிலோ ரூ.510-க்கு ஏலம்

சத்தியமங்கலம்

சத்தியமங்கலத்தில் கரட்டூர் ரோட்டில் உள்ள பூ மார்க்கெட்டில் நேற்று காலை 7 மணிக்கு பூக்கள் ஏலம் நடைபெற்றது. இந்த ஏலம் மாலை 4 மணி வரை நடந்தது. இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் இருந்து ஏராளமான விவசாயிகள் 4 டன் பூக்களை விற்பனைக்காக கொண்டு வந்திருந்தனர்.

நேற்றைய ஏலத்தில் மல்லிகைப்பூ கிலோ ஒன்று ரூ.455-க்கும், முல்லை ரூ.280-க்கும், காக்கடா ரூ.475-க்கும், செண்டுமல்லி ரூ.47-க்கும், பட்டுப்பூ ரூ.135-க்கும், ஜாதிமல்லி ரூ.500-க்கும், கனகாம்பரம் ரூ.510-க்கும், சம்பங்கி ரூ.50-க்கும், அரளி ரூ.170-க்கும், துளசி ரூ.40-க்கும், செவ்வந்தி ரூ.240-க்கும் ஏலம் போனது.