தூத்துக்குடி கிருஷ்ணாபுரத்தில்கிறிஸ்தவர்கள் உண்ணாவிரத போராட்டம்

தூத்துக்குடி கிருஷ்ணராஜபுரம் வட்டகோவில் என்று அழைக்கப்படும் எபனேசர் ஆலயத்தில் சுமார் 450 குடும்பத்தினர் அங்கம் வகித்து உள்ளனர். இந்த ஆலயத்தில் கடந்த ஜூன் மாதம் புதிதாக ஒரு குருவானவர் பொறுப்பேற்று உள்ளார். அதன்பிறகு சபையில் பிரிவினை ஏற்பட்டு இருதரப்பினராக செயல்பட தொடங்கியதாகவும் கூறப்படுகிறது. மேலும் வட்டக்கோவில் நிர்வாகியையும் அவதூறாக பேசியதாக கூறப்படுகிறது. இதனால் குருவானவரை உடனடியாக மாற்ற வேண்டும் என்று வலியறுத்தி நேற்று மாலை சபை மக்கள் ஆலய வளாகத்தில் உண்ணாவிரத போராட்டத்தை தொடங்கினர். போராட்டத்தில் ஈடுபட்டவர்கள் கிறிஸ்தவ பாடல்களை பாடி பிரார்த்தனை செய்தபடி போராட்டம் நடத்தி வருகின்றனர். இதனால் அந்த பகுதியில் பலத்த போலீஸ் பாதுகாப்பு போடப்பட்டு உள்ளது.