ஐ.சி.பி.எல். கிரிக்கெட் போட்டி

இந்தியா சிமெண்ட்ஸ் நிறுவனம் சார்பில் கட்டிட பொறியாளர்களுக்கான புரோ லீக் கிரிக்கெட் போட்டி தொடர் (ஐ.சி.பி.எல்.) தமிழகம் முழுவதும் பல்வேறு இடங்களில் நடந்து வருகிறது. இதன் ஒருபகுதியாக வேலூர் பாகாயம் சி.எம்.சி. மைதானத்தில் 2 நாட்கள் போட்டி நடந்தது. வேலூர் மாவட்ட கிரிக்கெட் சங்கத்தலைவர் ஜி.வி.சம்பத் தலைமை தாங்கி கிரிக்கெட் போட்டியை தொடங்கி வைத்தார். இதில் 6 அணிகள் கலந்து கொண்டன. கள்ளக்குறிச்சி சூப்பர் கிங்ஸ் அணி 6 ரன் வித்தியாசத்தில் ரீஜியன் 5 அணியை வீழ்த்தி காலிறுதிக்கு தகுதி பெற்றது.

இதில், கட்டிட பொறியாளர்கள் அமைப்பு நிர்வாகிகள், இந்தியா சிமெண்ட்ஸ் நிறுவன நிர்வாகிகள் பலர் கலந்து கொண்டனர்.