ஓட்டல் உரிமையாளர் தூக்குப்போட்டு தற்கொலை

பாளையங்கோட்டை மனக்காவலம்பிள்ளை நகர் பகுதியை சேர்ந்தவர் மாரியப்பன் (வயது 65). இவர் அந்த பகுதியில் ஓட்டல் நடத்தி வந்தார். தொழில் சரியாக இல்லை என அடிக்கடி புலம்பி வந்ததாக கூறப்படுகிறது. இதனால் மனமுடைந்த அவர் நேற்று முன்தினம் வீட்டில் தூக்குப்போட்டு தற்கொலை செய்து கொண்டார்.

இதுபற்றி தகவல் அறிந்த பாளையங்கோட்டை போலீசார் சம்பவ இடத்திற்கு விரைந்து சென்று அவரது உடலை கைப்பற்றி பிரேத பரிசோதனைக்காக பாளையங்கோட்டை அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகிறார்கள். இவருக்கு 3 மகன்கள் உள்ளனர். ஒரு மகன் போலீஸ்காரராக பணியாற்றி வருகிறார் என்பது குறிப்பிடத்தக்கது.