போதை மாத்திரை வைத்திருந்த 3 வாலிபர்கள் கைது

நெல்லை டவுன் போலீஸ் சப்-இன்ஸ்பெக்டர் முருகன் மற்றும் போலீசார் நேற்று முன்தினம் ரோந்து பணியில் ஈடுபட்டு வந்தனர். அப்போது டவுன் உழவர்சந்தை பகுதியில் சந்தேகப்படும் படியாக நின்றுகொண்டு இருந்த 3 பேரை பிடித்து விசாரணை நடத்தினர். விசாரணையில் அவர்கள் டவுன் தண்டியல்சாவடி தெருவை சேர்ந்த மணிகண்டன் மகன் இசக்கியப்பன் (வயது 20), மினிகுடி தெருவை சேர்ந்த வெங்கட்ராமன் மகன் பஞ்சலராஜன் (23), பேட்டை கோடீஸ்வரன் நகரை சேர்ந்த பசுபதி மகன் மணிகண்டபிரபு (25) என்பதும் அவர்கள் ஆன்லைனில் போதை மாத்திரை வாங்கி அதனை பயன்படுத்தி வந்ததும் தெரியவந்தது. இதனையடுத்து போலீசார் அவர்களை கைது செய்து போதை மாத்திரை, ஊசி உள்ளிட்டவைகளை பறிமுதல் செய்தனர்.