வீடு புகுந்து மூதாட்டியிடம் கம்மல் பறிப்பு; பெண் உள்பட 2 பேர் கைது

வடக்கன்குளம்:

வடக்கன்குளம் அடுத்த பழவூர் அருகே உள்ள கண்ணங்குளத்தைச் சேர்ந்த ராசையா மனைவி ஞானபாக்கியம் (வயது 86). இவர் உடல்நிலை சரியில்லாமல் தனியாக வீட்டில் இருந்துள்ளார்.

அப்போது, அகஸ்தீஷ்வரத்தை சேர்ந்த லிங்கம் மகன் அருள்செல்வன் (34) என்பவர் வீட்டில் புகுந்து ஞானபாக்கியம் காதில் கிடந்த ½ பவுன் கம்மலை திருடிச் சென்றதாக கூறப்படுகிறது. மேலும் அந்த கம்மலை சின்னமுட்டத்தை சேர்ந்த விண்ணரசி என்பவருடன் சேர்ந்து அருள்செல்வன் விற்பனை செய்ய முயன்றார்.

இதுகுறித்து தகவல் அறிந்த பழவூர் போலீசார் விரைந்து சென்று, அருள்செல்வன், விண்ணரசி ஆகியோரை கைது செய்து, கம்மலை பறிமுதல் செய்தனர்.