ஜி.கே.மூப்பனார் படத்துக்கு காங்கிரஸ், த.மா.கா.வினர் மலர் தூவி மரியாதை

நெல்லையில் ஜி.கே.மூப்பனார் படத்துக்கு காங்கிரஸ், த.மா.கா.வினர் மலர் தூவி மரியாதை செலுத்தினார்கள்.

காங்கிரஸ்

காங்கிரஸ் முன்னாள் தலைவர் ஜி.கே.மூப்பனார் நினைவு தினம் நேற்று கடைபிடிக்கப்பட்டது. இதையொட்டி நெல்லை கொக்கிரகுளத்தில் உள்ள காங்கிரஸ் அலுவலகத்தில் ஜி.கே.மூப்பனார் உருவப்படம் அலங்கரித்து வைக்கப்பட்டது.

அங்கு மாநகர் மாவட்ட காங்கிரஸ் தலைவர் சங்கரபாண்டியன் தலைமையில், முன்னாள் மத்திய மந்திரி தனுஷ்கோடி ஆதித்தன், ஜி.கே.மூப்பனார் படத்திற்கு மலர் தூவி மரியாதை செலுத்தினார்.

இதில் மாநில பொதுக்குழு உறுப்பினர்கள் சொக்கலிங்ககுமார், சொர்ணம், மாவட்ட துணைத்தலைவர்கள் வெள்ளப்பாண்டியன், வண்ணை சுப்பிரமணியன், வட்டார தலைவர் காமராஜ் உள்பட பலர் கலந்து கொண்டனர்.

த.மா.கா.

இதேபோல் தமிழ் மாநில காங்கிரஸ் இளைஞர் அணி சார்பில் பாளையங்கோட்டை சமாதானபுரத்தில் அலங்கரித்து வைக்கப்பட்ட ஜி.கே.மூப்பனார் படத்திற்கு மாநில இளைஞர் அணி பொது செயலாளர் ஜெகநாதராஜா தலைமையில் மாலை அணிவித்து மரியாதை செலுத்தப்பட்டது. நிகழ்ச்சியில் மாவட்ட தலைவர் சுத்தமல்லி முருகேசன் மற்றும் பலர் கலந்து கொண்டனர்.