பயணிகள் நிழற்கூடத்திற்கு அடிக்கல் நாட்டு விழா

இட்டமொழி:

நாங்குநேரி யூனியன் மூலைக்கரைப்பட்டி அருகே உள்ள ஆழ்வாநேரி ஊராட்சி புதுக்குறிச்சி மெயின் ரோட்டில் நாடாளுமன்ற உறுப்பினர் தொகுதி வளர்ச்சி நிதியில் இருந்து ரூ.8.40 லட்சம் மதிப்பில் புதிதாக பயணிகள் நிழற்கூடம் அமைக்கப்பட உள்ளது. இதற்கான அடிக்கல் நாட்டுவிழா நேற்று நடைபெற்றது. ஞானதிரவியம் எம்.பி. தலைமை தாங்கி, அடிக்கல் நாட்டி பணியை தொடங்கி வைத்தார். நிகழ்ச்சியில் நாங்குநேரி மேற்கு ஒன்றிய தி.மு.க. செயலாளர் ஆர்.எஸ்.சுடலைக்கண்ணு, ஆழ்வாநேரி பஞ்சாயத்து தலைவர் எஸ்.கே.சீனிதாஸ், வார்டு உறுப்பினர் மாரிதாஸ், கட்சி நிர்வாகிகள் சின்னத்துரை, கோயில்பிச்சை ஜான்சன், சுப்பையா உள்பட பலர் கலந்து கொண்டனர்.