மின்னல் தாக்கியதில் வனப்பகுதியில் தீவிபத்து

கடையம்:

கடையம் வனத்துறை பகுதிக்கு உட்பட்ட ஆம்பூர் பீட் வனப்பகுதியில் நேற்று மாலை மின்னல் தாக்கியது. இதில் காய்ந்த சருகுகளில் தீப்பிடித்து வேகமாக பரவியது. மேலும் வனப்பகுதியில் பலத்த காற்று வீசியதால் தீ வேகமாக பரவியது. தகவல் அறிந்ததும் கடையம் வனச்சரக வனவர்கள், வனக்காப்பாளர்கள் மற்றும் வேட்டைத் தடுப்புக் காவலர்கள் தீயை அணைக்கும் பணியில் ஈடுபட்டனர். இரவு நேரமாகிவிட்டதாலும், தீப்பிடித்த பகுதி மிக உயரத்தில் இருப்பதாலும் தீயை உடனடியாக கட்டுப்படுத்த முடியாத நிலை ஏற்பட்டுள்ளது.