மேற்கு தொடர்ச்சி மலையில் தீ

சிவகிரி:

சிவகிரி வனத்துறை அலுவலர் மவுனிகா தலைமையில் வனத்துறையினர் உள்ளார் பகுதியில் ரோந்து பணியில் ஈடுபட்டனர். அப்போது சிவகிரிக்கு மேற்கே கோம்பை ஆற்றுக்கு மேல் பகுதியில் மேற்கு தொடர்ச்சி மலையில் உள்ள கரடிக்கிடை பகுதியில் நேற்று முன்தினம் அதிகாலை 4.30 மணியளவில் திடீரென தீப்பிடித்து எரிந்தது.

இதுகுறித்து நெல்லை மாவட்ட வன அலுவலர் முருகனுக்கு தகவல் தெரிவிக்கப்பட்டது. இதையடுத்து அவரது உத்தரவின் பேரில் 2 தனிப்படை குழுவினர் 25 பேர் சென்று கடுமையாக போராடி தீயை அணைத்து கட்டுக்குள் கொண்டு வந்தனர். மேலும் தீவிபத்து எவ்வாறு ஏற்பட்டது? என்பது குறித்தும் ஆய்வு செய்து விசாரணை நடத்தி வருகின்றனர்.