மாணவியின் படிப்புக்கு நிதி உதவி

ஏரல்:

ஏரல் அருகே உள்ள கொற்கை செந்நெல் மாநகரை சேர்ந்தவர் ராமச்சந்திரன். இவர் கடந்த 3 ஆண்டுகளுக்கு முன்பு வாழவல்லான் தாமிரபரணி ஆற்றில் குளித்துக் கொண்டிருந்த போது ஆற்று வெள்ளத்தில் அடித்து செல்லப்பட்டு உயிரிழந்தார். இதையடுத்து ஊர்வசி அமிர்தராஜ் எம்.எல்.ஏ., ராமச்சந்திரன் குடும்பத்தினரை சந்தித்து ஆறுதல் கூறி அவரது மகள் வேனிஷா கல்லூரி படிப்புக்கு உதவி செய்வதாக கூறினார்.

இதன்படி மாணவியின் முதலாமாண்டு கல்வி கட்டணத்தை ஏற்கனவே வழங்கியிருந்த நிலையில் தற்போது 2-ம் ஆண்டுக்கான கல்வி கட்டணத்தை தனது சொந்த நிதியிலிருந்து ஊர்வசி அமிர்தராஜ் எம்.எல்.ஏ. வழங்கி உள்ளார். இதற்கான காசோலையை ஸ்ரீவைகுண்டம் யூனியன் கவுன்சிலர் பாரத் உள்ளிட்டவர்கள் மாணவி வேனிஷா வீட்டுக்கு சென்று வழங்கினர்.