விவசாய சங்கத்தினர் ஆர்ப்பாட்டம்

சங்கரன்கோவில்:

சங்கரன்கோவில் உதவி கலெக்டர் அலுவலகம் முன்பு தமிழ்நாடு விவசாய சங்கம் சார்பில் வறட்சி நிவாரணம் உள்ளிட்ட பல்வேறு கோரிக்கைகளை வழங்கக்கோரி ஆர்ப்பாட்டம் நடைபெற்றது. ஆர்ப்பாட்டத்திற்கு மாவட்ட துணை தலைவர் ராகவன் தலைமை தாங்கினார். சங்கரன்கோவில் தாலுகா தலைவர் வெள்ளத்துரை, திருவேங்கடம் தாலுகா தலைவர் ராமமூர்த்தி, சங்கரன்கோவில் தாலுகா செயலாளர் ராமசாமி ஆகியோர் முன்னிலை வகித்தனர். மாநிலச் செயலாளர் சாமி நடராஜன், மாவட்ட தலைவர் வேணுகோபால் ஆகியோர் சிறப்புரையாற்றினார்கள். ஆர்ப்பாட்டத்தில் மார்க்சிஸ்ட் கம்யூனிஸ்டு கட்சி தாலுகா செயலாளர் அசோக்ராஜ், தாலுகா குழு உறுப்பினர்கள் ராமசாமி, சுப்பிரமணி, அழகு நம்பித்துரை, ராஜலட்சுமி, ஆவுடைத்தாய் மற்றும் சங்கரன்கோவில், திருவேங்கடம் தாலுகா தமிழ்நாடு விவசாய சங்கத்தைச் சேர்ந்த ஏராளமானவர்கள் கலந்து கொண்டனர்.