மது குடிப்பதற்கு பணம் கேட்டு மிரட்டிய முன்னாள் நாட்டாண்மை கைது

பேரணாம்பட்டு அடுத்த சின்னதோட்டாளம் கிராமத்தை சேர்ந்தவர் அமெரிக்கா என்கிற ராஜேஷ் (வயது 35).சின்ன தோட்டாளம் நாட்டாண்மையாக இருந்து வந்தார்.. போதைக்கு அடிமையான இவர் மது குடிப்பதற்கு பொதுமக்களை கத்தியை காட்டி மிரட்டி பணம் கேட்டு ரகளையில் ஈடுபட்டு வந்தார். மேலும் மாட்டு வண்டியில் மணல் கடத்தும் நபர்களிடம் மாமூல் கேட்டு மிரட்டி வந்ததாக கூறப்படுகிறது. இதனால் கிராம மக்கள் இவரை நாட்டாண்மை பதவியிலிருந்து இறக்கினர். மீண்டும் அமெரிக்கா என்கிற ராஜேஷ் அதே கிராமத்தை சேர்ந்த ராஜ்குமார் என்பவரை கத்தியை காட்டி மது குடிப்பதற்கு ரூ.2 ஆயிரம் தருமாறு மிரட்டி உள்ளார். அவரை பிடிக்க முயன்ற பொதுமக்களையும் மிரட்டினார்.

இதுகுறித்து தகவலறிந்த மேல்பட்டி சிறப்பு சப்-இன்ஸ்பெக்டர் சபாரத்தினம் விசாரணை நடத்தி 4 பிரிவுகளில் வழக்குப் பதிவு செய்து அவரை கைது செய்தார்.