குளத்தில் தவறி விழுந்து முதியவர் பலி

திருக்கடையூர்:

செம்பனார்கோவில் அருகே ஆறுபாதி மேட்டிருப்பு புதுத்தெருவை சேர்ந்தவர் மோகன் (வயது 70). இவர் கடந்த 16-ந் தேதி செம்பனார்கோவில் போலீஸ் சரகம் குரங்குபுத்தூர் கிராமம் இந்திரா காலனி தெருவில் உள்ள தாமரை குளத்தில், இலைகள் மற்றும் பூக்களை பறிப்பதற்கு முயற்சித்துள்ளார். அப்போது திடீரென நிலைதடுமாறி குளத்தில் தவறி விழுந்து தண்ணீரில் மூழ்கினார். மறுநாள் அவருடைய உடல் குளத்தில் மிதப்பதை பார்த்த பொதுமக்கள் அருகில் உள்ள பூம்புகார் தீயணைப்பு துறையினருக்கு தகவல் தெரிவித்தனர். தகவலின் பேரில் அங்கு வந்த தீயணைப்பு வீரர்கள், குளத்தில் பிணமாக மிதந்த மோகன் உடலை மீட்டு கரைக்கு கொண்டு வந்தனர். மேலும் இதுகுறித்து செம்பனார்கோவில் போலீசார் வழக்குப்பதிவு செய்து விசாரணை நடத்தி வருகின்றனர்.