தர்மபுரி அருகே லாரி மோதி ஆட்டோ டிரைவர் பலி

தர்மபுரி:

தர்மபுரி ஆட்டுக்காரன்பட்டி பகுதியை சேர்ந்தவர் முனியப்பன் (வயது 67). ஆட்டோ டிரைவர். நேற்று இவர் அந்த பகுதியில் உள்ள மளிகை கடைக்கு, நடந்து சென்றார். அப்போது அந்த வழியாக வந்த ஒரு லாரி கண்ணிமைக்கும் நேரத்தில் அவர் மீது மோதியது. இதில் படுகாயம் அடைந்த அவரை அந்த பகுதியில் இருந்தவர்கள் மீட்டு சிகிச்சைக்காக தர்மபுரி அரசு ஆஸ்பத்திரிக்கு கொண்டு சென்றனர். அங்கு டாக்டர்கள் பரிசோதித்த போது அவர் ஏற்கனவே இறந்திருப்பது தெரியவந்தது. இந்த விபத்து குறித்து தர்மபுரி டவுன் போலீசார் வழக்குப்பதிவு செய்து விசாரணை நடத்தி வருகிறார்கள்.