தி.மு.க. உறுப்பினர் சேர்க்கை முகாம்

திருவிடைமருதூர்:

தி.மு.க. தலைவர் மு.க. ஸ்டாலின் அறிவித்தப்படி ஒரு கோடி உறுப்பினர் சேர்க்கையின் ஒரு பகுதியாக கும்பகோணம் அருகே உள்ள திருபுவனம் பேரூர் தி.மு.க. சார்பில் புதிய உறுப்பினர் சேர்க்கை முகாம் நேற்று நடந்தது. அரசு தலைமை கொறடா கோவி. செழியன், செ. ராமலிங்கம் எம்.பி., முன்னாள் எம்எல்ஏ வேதரத்தினம் ஆகியோர் முன்னிலையில் புதிய உறுப்பினர்கள் சேர்க்கை நடந்தது. முகாமிற்கு பேரூர் செயலாளர் எஸ். கே. பஞ்சநாதன் தலைமை தாங்கினார். இதில் பேரூராட்சி தலைவர் அமுதவல்லிகோவிந்தன், துணைத் தலைவர் எம். ஆர். ரவிசங்கர், மாவட்ட வர்த்தக அணி துணை அமைப்பாளர் பி. முனியசாமி, பேரூராட்சி கவுன்சிலர் முருகன் உள்பட பலர் கலந்து கொண்டனர். இந்த முகாமில் ஏராளமான இளைஞர்கள் ஆர்வமுடன் புதிய கலந்து கொண்டனர். முன்னதாக திருபுவனம் கடைவீதியில் வெயிலின் தாக்கம் அதிகமாக இருப்பதால் தி.மு.க. சார்பில் நீர் மோர் பந்தல் திறக்கப்பட்டது.