தினத்தந்தி புகார் பெட்டி: மக்கள் குறைகள் தொடர்பான பதிவுகள்

சேதமடைந்த கழிவுநீர் கால்வாய்

விருதுநகர் மாவட்டம் சாத்தூர் பஸ் நிலையத்தில் இருந்து நந்தனப்பட்டி தெற்கு தெரு வரை கழிவுநீர் கால்வாய் சேதமடைந்து உள்ளது. இதனால் கழிவுநீர் ஆங்காங்கே சாலையில் தேங்கி நிற்கிறது. எனவே சேதமடைந்த கழிவுநீர் கால்வாயினை சீரமைக்க அதிகாரிகள் நடவடிக்கை எடுக்க வேண்டும்.

குமார், சாத்தூர்.

குடிநீர் வசதி வேண்டும்

விருதுநகர் மாவட்டம் சோழபுரம் ஊராட்சியில் மேல குன்னக்குடி கிராமத்தில் குடிநீர் வசதி ேபாதுமான அளவு இல்லை. இதனால் பொதுமக்கள் மிகவும் அவதிப்படுகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

முத்துப்பாண்டி, சோழபுரம்.

குண்டும், குழியுமான சாலை

விருதுநகர் மாவட்டம் ஸ்ரீவில்லிபுத்தூரில் உள்ள சிங்கம்மாள்புரம் தெருவில் சாலை வசதி இல்லை. இங்கு 100-க்கும் மேற்பட்ட குடும்பத்தினர் வசித்து வருகின்றனர். சாலை மிகவும் மோசமான நிலையில் இருப்பதால் மழைக்காலங்களில் சேறும், சகதியுமாக மாறி விடுகிறது. இதனால் மக்கள் மிகுந்த சிரமத்திற்கு உள்ளாகின்றனர். எனவே அதிகாரிகள் உடனடியாக நடவடிக்கை எடுக்க வேண்டும்.

சுந்தரமூர்த்தி, ஸ்ரீவில்லிபுத்தூர்.

விபத்து அபாயம்

விருதுநகர் மாவட்டம் ராஜபாளையம், தென்காசி சாலையில் காந்தி சிலை ரவுண்டானா முதல் காந்தி கலை மன்றம் வரை சாலை மிகவும் சேதமடைந்து உள்ளது. இதனால் அடிக்கடி விபத்துகள் ஏற்படுகின்றன. எனவே இந்த சாலையை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், ராஜபாளையம்.

போக்குவரத்து நெரிசல்

விருதுநகர் மாவட்டம் அருப்புக்கோட்டை நகர் பகுதியில் காலை மற்றும் மாலை நேரங்களில் கடும் போக்குவரத்து நெரிசல் அடிக்கடி ஏற்படுகிறது. இதனால் வாகன ஓட்டிகள் பெரும் அவதிக்குள்ளாகி வருகின்றனர். எனவே போக்குவரத்து நெரிசலை குறைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், அருப்புக்கோட்டை.