தினத்தந்தி புகார் பெட்டி: மக்கள் குறைகள் தொடர்பான பதிவுகள்

புதிய சாலை வேண்டும்

சிவகங்கை மாவட்டம் காரைக்குடி களனிவாசல் 8-வது தெருவில் உள்ள சாலை சேதமடைந்து காணப்படுகிறது. இதனால் வாகனஓட்டிகள் சாலையில் பயணிக்க முடியாத நிலை ஏற்படுகிறது. எனவே இந்த பகுதியில் புதிய சாலை அமைக்க அதிகாரிகள் நடவடிக்கை எடுக்க வேண்டும்.

ரமணி, காரைக்குடி.

நடவடிக்கை தேவை

சிவகங்கை மாவட்டம் காரைக்குடி புதிய பஸ் நிலையம் அருகில் டாஸ்மாக்கடை செயல்படுகிறது. இதனால் பஸ் நிலையம் வரும் பயணிகளுக்கு இடையூறுகள் ஏற்படுகிறது.குறிப்பாக பெண்கள் இரவு நேரங்களில் பஸ் நிலையம் வர அச்சப்படுகின்றனர். எனவே டாஸ்மாக்கடையை வேறு இடத்திற்கு மாற்ற அதிகாரிகள் நடவடிக்கை எடுக்க வேண்டும்.

கோவிந்தராஜ், காரைக்குடி

நாய்கள் தொல்லை

சிவகங்கை மாவட்டம் தேவகோட்டை பகுதியில் சமீப காலமாக தெருநாய்களின் தொல்லை அதிகரித்து வருகிறது. சாலையில் செல்பவர்களை நாய்கள் துரத்தும் அபாயம் அவ்வப்போது நிகழ்ந்து வருகிறது. இதனால் பெண்கள், குழந்தைகள் தங்கள் வீட்டை விட்டு வெளியே வர அச்சப்படுகின்றனர். எனவே தெருநாய்களை அப்புறப்படுத்த சம்பந்தப்பட்ட துறையினர் நடவடிக்கை எடுக்க வேண்டும்.

வேல்ராஜ், தேவகோட்டை.

கருவேல மரங்கள் அகற்றப்படுமா?

எஸ்.புதூர் அருகே தர்மபட்டியில் உள்ள வையாபுரி கண்மாயில் சீமைக்கருவேல மரங்கள் கண்மாயை முழுவதும் ஆக்கிரமித்து மழைநீர் சேமிக்க முடியாத நிலை உள்ளது. பருவ மழை தொடங்கும் முன்பாக இந்த சீமைக்கருவேல மரங்களை அகற்றி மழைநீரை சேமிக்க வழிவகை செய்யுமாறு சம்பந்தப்பட்ட அதிகாரிகள் நடவடிக்கை எடுக்க வேண்டும்.

கண்ணன், எஸ்.புதூர்.

தீர்வு காணப்படுமா?

சிவகங்கை நகராட்சி இந்திரா நகர் 3-வது தெரு, மன்னர் கல்லூரி எதிர் புறம் உள்ள தெருவில் கழிவுநீர் கால்வாய் சேதமடைந்து உள்ளது. இதனால் இந்த பகுதியில் உள்ளவர்கள் அவதிப்படுகின்றனர். எனே இதனை சரிசெய்ய அதிகாரிகள் நடவடிக்கை எடுக்க வேண்டும்.

கார்த்திகேயன், வைகைவடகரை.