தன்னார்வலர்களுக்கு மேம்பாட்டு பயிற்சி

கமுதி கோட்டைமேட்டில் உள்ள வட்டார வள மைய அலுவலகத்தில் தன்னார்வலர்களுக்கு மேம்பாட்டு பயிற்சி நடைபெற்றது. பயிற்சிக்கு வட்டார வள மைய மேற்பார்வையாளர் ஸ்ரீராம் தலைமை தாங்கினார். இல்லம் தேடி கல்வி திட்ட வட்டார ஒருங்கிணைப்பாளர் கிருஷ்ணமூர்த்தி முன்னிலை வகித்தார். இந்த பயிற்சியில் ராமசாமிபட்டி ஆரம்ப சுகாதார நிலைய டாக்டர் அப்துல் ரசாக், வக்கீல் சித்திரைச் செல்வன் ஆகியோர் கலந்து கொண்டு வாழ்வியல் திறன் மேம்பாடு குறித்து பேசினர். இதில் 50-க்கும் மேற்பட்ட புதிய பாரத எழுத்தறிவு இயக்க திட்ட தன்னார்வலர்களுக்கு பயிற்சி அளிக்கப்பட்டது. ஆசிரியர் பயிற்றுநர்கள் ராஜாரஹீம், ஜெகநாதன், நித்யா, கவுசல்யா ஆகியோர் கலந்து கொண்டு பயிற்சி அளித்தனர். வட்டார வள மைய சிறப்பாசிரியர்கள், அலுவலக பணியாளர்கள் உள்பட பலர் கலந்து கொண்டனர்.