பா.ஜனதாவினர் ஆர்ப்பாட்டம்

திசையன்விளை:

திசையன்விளை பேரூராட்சியில் பல ஆண்டுகளாக நிரந்தர செயல் அலுவலர் இல்லாததால் பொதுமக்களுக்கு பணிகள் நடைபெறுவதில் காலதாமதம் ஏற்படுவதாக கூறியும், நிரந்தர செயல் அலுவலரை நியமிக்க கோரியும் திசையன்விளை பேரூராட்சி பா.ஜனதா கவுன்சிலர் லிவ்யா சக்திவேல் தலைமையில் அக்கட்சியினர் நேற்று பேரூராட்சி அலுவலகம் முன்பு வாயில் கருப்பு துணியை கட்டி ஆர்ப்பாட்டத்தில் ஈடுபட்டனர்.

செயல் அலுவலர் (பொறுப்பு) லவ்லி மேபா ஆர்ப்பாட்டத்தில் ஈடுபட்டவர்களிடம் பேரூராட்சி உதவி இயக்குனரிடம் கூறி நிரந்தர செயல் அலுவலர் நியமிக்க ஏற்பாடு செய்வதாக உறுதியளித்தார். அதையேற்று ஆர்ப்பாட்டத்தில் ஈடுபட்டவர்கள் கலைந்து சென்றனர்.