கல்குவாரியில் தவறி விழுந்த தொழிலாளி சாவு

பர்கூர்

பர்கூர் அருகே பாகிமானூர் பகுதியில் உள்ள தனியார் கல்குவாரியில் பீகார் மாநிலத்தைச் சேர்ந்த ரமேஷ்குமார் (வயது 25) என்பவர் தொழிலாளியாக வேலை செய்து வந்தார். இவர் கல்குவாரியில் 15 அடி உயரத்தில் இருந்து தவறி கீழே விழுந்தார். இதில் படுகாயமடைந்த ரமேஷ்குமாரை சக தொழிலாளர்கள் மீட்டு கிருஷ்ணகிரி அரசு மருத்துவமனையில் சேர்த்தனர். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து பர்கூர் போலீசார் வழக்குப்பதிவு செய்து விசாரணை நடத்தி வருகின்றனர்.