ஸ்கூட்டர் மீது வாகனம் மோதி பெண் பலி

பர்கூர்

கந்திக்குப்பம் அருகே உள்ள பாலேப்பள்ளியை சேர்ந்தவர் நாகராஜன். இவரது மனைவி சாந்தா (வயது 30). இவர் நேற்று முன்தினம் தனது கணவரை பெங்களூருவுக்கு அனுப்பி வைக்க ஸ்கூட்டரில் கிருஷ்ணகிரிக்கு சென்றார். பின்னர் அவர் மீண்டும் பாலேப்பள்ளிக்கு ஸ்கூட்டரில் வந்து கொண்டு இருந்தார். செட்டிப்பள்ளி ஐ.ஆர்.டி. பாலிடெக்னிக் அருகே சென்றபோது அந்த வழியாக வந்த அடையாளம் தெரியாத வாகனம் ஸ்கூட்டர் மீது மோதி விட்டு நிற்காமல் சென்று விட்டது. இதில் படுகாயமடைந்த சாந்தாவை அக்கம் பக்கத்தினர் மீட்டு கிருஷ்ணகிரி அரசு மருத்துவமனைக்கு அனுப்பி வைத்தனர். ஆனால் செல்லும் வழியிலேயே அவர் பரிதாபமாக இறந்தார். இந்த விபத்து குறித்து கந்திக்குப்பம் போலீசார் வழக்குப்பதிவு செய்து விசாரணை நடத்தி வருகிறார்கள்.