வாகனம் மோதி ஒருவர் பலி

ஓசூர்:

ஓசூர் அருகே சானமாவு வனப்பகுதியையொட்டி சாலையில் 50 வயது மதிக்கத்தக்க ஆண் ஒருவர் நடந்து சென்றார். அப்போது, அந்த வழியாக வந்த வாகனம் அவர் மீது மோதி விட்டு நிற்காமல் சென்று விட்டது. இதில் அவர் சம்பவ இடத்திலேயே இறந்தார். இதுகுறித்து தகவல் அறிந்ததும் அட்கோ போலீசார் விரைந்து சென்று இறந்த நபரின் உடலை கைப்பற்றி பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர். மேலும் இறந்த நபர் யார்? என்பது குறித்தும், அவர் மீது மோதி விட்டு சென்ற வாகனம் குறித்தும் விசாரணை நடத்தி வருகிறார்கள்.