அந்தியூர் ஒழுங்குமுறை விற்பனை கூடத்தில் ரூ.18 லட்சத்துக்கு பருத்தி ஏலம்

அந்தியூர்

அந்தியூர் ஒழுங்குமுறை விற்பனை கூடத்தில் விவசாய விளைபொருட்கள் ஏலம் நடைபெற்றது. விவசாயிகள் 966 மூட்டை பருத்தியை விற்பனைக்கு கொண்டு வந்திருந்தனர். இது ஒரு குவிண்டால் குறைந்த பட்ச விலையாக ரூ.6,279-க்கும், அதிக பட்ச விலையாக ரூ.6,999-க்கும் ஏலம் போனது. மொத்தம் 18 லட்சத்து 18 ஆயிரத்து 409 ரூபாய்க்கு விற்பனையானது.

எள் 6 மூட்டை கொண்டு வரப்பட்டு இருந்தது. இது ஒரு குவிண்டால் குறைந்த பட்ச விலையாக ரூ.15 ஆயிரத்து 129-க்கும், அதிகபட்சமாக ரூ.15 ஆயிரத்து 669-க்கும் ஏலம் போனது. மொத்தம் 78 ஆயிரத்து 518 ரூபாய்க்கு எள் விற்பனையானது.

ஈரோடு, திருப்பூர், கோவை, சத்தி, பெருந்துறை பகுதி வியாபாரிகள் பருத்தியையும், எள்ளையும் வாங்கிச்சென்றனர்.