பண்ணை குட்டை அமைக்கும் பணி

ஏழைகளின் ஊட்டி என்று அழைக்கப்படும் ஏலகிரி மலையில் அமைந்துள்ள நிலாவூர் கிராமத்தில், பிள்ளையார் கோவில் வட்டத்தில் அனைத்து கிராம அண்ணா மறுமலர்ச்சி திட்டத்தின் கீழ் தனிநபர் பண்ணை குட்டை வெட்டும் பணிக்கான தொடக்க விழா நடந்தது. திருப்பத்தூர் மாவட்ட செயலாளர் க.தேவராஜி எம்.எல்.ஏ. சிறப்பு அழைப்பாளராக கலந்துகொண்டு பண்ணை குட்டை அமைக்கும் பணியை தொடங்கி வைத்தார்.

இதனை தொடர்ந்து அதே பகுதியில் உள்ள கதவநாச்சியம்மன் கோவிலில் புதிதாக உருவாக்கப்பட்ட அம்மன் தேருக்கு சிறப்பு பூஜைகள் நடைபெற்றது. தொடர்ந்து தேரோட்டத்தை க.தேவராஜி எம்.எல்.ஏ. வடம் பிடித்து இழுத்து தொடங்கி வைத்தார்.

நிகழ்ச்சியில் ஜோலார்பேட்டை மேற்கு ஒன்றிய செயலாளர் எஸ்.கே.சதிஷ்குமார், ஜோலார்பேட்டை ஒன்றியக்குழு தலைவர் சத்யாசதீஷ்குமார், ஏலகிரி மலை ஊராட்சி மன்ற தலைவர் ராஜஸ்ரீ கிரிவேலன், துணைத் தலைவர் திருமால், பொதுக்குழு உறுப்பினர் கே.சாம்மண்ணன், நாட்டறம்பள்ளி ஒன்றியக்குழுத் தலைவர் வெண்மதி சிங்காரவேலன், மாவட்ட கவுன்சிலர் சிந்துஜா, ஒன்றிய கவுன்சிலர்கள் லட்சுமி செந்தில்குமார், சிவப்பிரகாசம் மற்றும் உள்ளாட்சி பிரதிநிதிகள் உள்பட பலர் கலந்துகொண்டனர்.