புகார் பெட்டி

வாகன ஓட்டிகள் அவதி

சிவகங்கை மாவட்டம் திருப்புவனம் தாலுகா திருப்பாச்சேத்தியின் திடல் பகுதியில் உள்ள சாலை மிகவும் சேதமடைந்து குண்டும், குழியுமாக காட்சியளிக்கிறது. இதனால் இவ்வழியே செல்லும் வாகன ஓட்டிகள் கடும் அவதிக்குள்ளாகி வருகின்றனர். எனவே, சாலையை சீரமைக்க அதிகாரிகள் நடவடிக்கை எடுக்க வேண்டும்.

பள்ளமான சாலை

சிவகங்கை மாவட்டம் சிங்கம்புணரி தாலுகா எஸ்.வி. மங்கலம் ஊராட்சிக்கு உட்பட்ட ஊரணிக்கரைப்பட்டி தெருவில் தார் சாலையில் இருந்து தெருவிற்கு வரும் சாலை மிகவும் பள்ளமாக உள்ளது. சாலையில் வாகனங்கள் செல்வதற்கு மிகவும் சிரமமாக உள்ளது. மேலும் இந்த சாலையில் பயணிப்பதால் விபத்து ஏற்படும் அபாயம் உள்ளது. எனவே சாலையை சீரமைக்க அதிகாரிகள் நடவடிக்கை எடுக்க வேண்டும்.

சிவகங்கை மாவட்டம் மானாமதுரை மற்றும் அதன் சுற்றுப்புற பகுதிகளில் சில இடங்களில் உள்ள சாலைகள் சேதமடைந்து பயன்படுத்த முடியாத வகையில் உள்ளது. சாலையில் பயணிப்பதால் வாகனஓட்டிகள் நிலை தடுமாறி கீழே விழுந்து காயமடைகின்றனர். சாலையில் உண்டாகும் புழுதி காற்றின் காரணமாக வாகனஓட்டிகள் அதிக அளவில் சிரமப்படுகின்றனர். எனவே சேதமடைந்த சாலையை சீரமைக்க அதிகாரிகள் நடவடிக்கை எடுக்க வேண்டும்.

கொசு தொல்லை

சிவகங்கை மாவட்டம் காரைக்குடி மற்றும் அதன் சுற்றுப்புற பகுதிகளில் கொசுத்தொல்லை அதிகமாக உள்ளது. இரவு நேரங்களில் கொசுக்கடியால் இப்பகுதி மக்கள் பெரிதும் சிரமப்படுகின்றனர். குறிப்பாக குழந்தைகள், கர்ப்பிணிகள், முதியோர்கள் தூக்கமின்றி அவதியடையும் நிலை உள்ளது. எனவே இப்பகுதியில் கொசுமருந்து அடித்து கொசுக்களை கட்டுப்படுத்த நடவடிக்கை எடுக்க வேண்டும்.

குறைந்த மின்னழுத்தம்

சிவகங்கை பையூர் கொடிக்காடு பகுதியில் குறைந்த மின்னழுத்தம் ஏற்பட்டு உள்ளது. இதனால் வீட்டில் உள்ள மின்சாதன பொருட்களை இயக்க முடியாமல் இப்பகுதி மக்கள் மிகவும் சிரமப்படுகின்றனர். எனவே புதிய மின்மாற்றி அமைத்து மின்னழுத்த குறைபாட்டை சரி செய்ய அதிகாரிகள் நடவடிக்கை எடுக்க வேண்டும்.