குழந்தைகள் தின விழா

இட்டமொழி:

நாங்குநேரி யூனியன் செண்பகராமநல்லூர் ஊராட்சி ஒன்றிய தொடக்கப்பள்ளியில் குழந்தைகள் தினவிழா நடைபெற்றது. விழாவுக்கு செண்பகராமநல்லூர் பஞ்சாயத்து தலைவர் முருகம்மாள் சிவன்பாண்டியன் தலைமை தாங்கினார். மாவட்ட கவுன்சிலர் கிருஷ்ணவேணி சின்னத்துரை முன்னிலை வகித்தார். பள்ளி தலைமை ஆசிரியர் பொ.செல்வராஜ் அனைவரையும் வரவேற்றார். விழாவில் நாங்குநேரி யூனியன் தலைவர் சவுமியா எட்வின், தி.மு.க. மேற்கு ஒன்றிய செயலாளர் ஆர்.எஸ்.சுடலைக்கண்ணு, ஓய்வு பெற்ற ஆசிரியர் கோபாலன், யூனியன் மேலாளர் செல்வன், அரசு ஒப்பந்ததாரர் சிவா, காங்கிரஸ் நிர்வாகி வாகைதுரை ஆகியோர் சார்பில் 104 மாணவர்களுக்கு ஜெர்சி சீருடை வழங்கப்பட்டது. முன்னாள் ராணுவ வீரர் வின்சென்ட்குமார் போட்டிகளில் வெற்றி பெற்றவர்களுக்கு பரிசுகள் வழங்கினார்.

பள்ளி மேலாண்மை குழு துணைத்தலைவர் பிரேமா, ஊராட்சி துணைத்தலைவர் தமிழரசன், ஆசிரியர் பயிற்றுனர் டேனியல் முத்தையா, ஒருங்கிணைப்பாளர் பாலசுப்பிரமணியன், தி.மு.க. நிர்வாகி மாயகிருஷ்ணன், செண்பகராமநல்லூர் துரை, விநாயகம், ஆசிரியைகள் சாந்தி, ராஜாத்தி உள்ளிட்டோர் கலந்து கொண்டனர். முடிவில் ஆசிரியர் ரூபன் இமானுவேல்ராஜ் நன்றி கூறினார்.