தனியார் பள்ளி பஸ் மோதி 2 வயது குழந்தை சாவு

மத்தூர்

கிருஷ்ணகிரி மாவட்டம் மத்தூர் அருகே உள்ள சந்தம்பட்டியை சேர்ந்தவர் காளியப்பன், விவசாயி. இவரது மகள் சபாவதி (வயது2). இந்த குழந்தை நேற்று வீட்டு அருகே நின்று கொண்டிருந்தது. அப்போது அந்த வழியாக வந்த தனியார் பள்ளி பஸ் சாலையோரம் நின்று இருந்த குழந்தை மீது மோதியது. இந்த விபத்தில் குழந்தை சம்பவ இடத்திலேயே இறந்தது. குழந்தையின் உடலை பார்த்து குடும்பத்தினர் மற்றும் உறவினர்கள் கதறி அழுதனர். இது குறித்து தகவல் அறிந்ததும் மத்தூர் போலீசார் விரைந்து வந்து குழந்தையின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர். பஸ் மோதி ௨ வயது குழந்தை இறந்த சம்பவம் அப்பகுதியில் சோகத்தை ஏற்படுத்தியது.