சத்திரிய பெண்கள் பள்ளி அணி வெற்றி

விருதுநகர் வருவாய் மாவட்ட அளவிலான மாணவர்களுக்கான கூடைப்பந்தாட்ட போட்டிகள் பள்ளிக்கல்வித்துறை சார்பில் இந்நகர் சத்திரிய பெண்கள் மேல்நிலைப்பள்ளியில் நடைபெற்றது. 14 வயதுக்குட்பட்ட பிரிவில் 12 அணிகள் கலந்து கொண்டன. இறுதிப்போட்டியில் விருதுநகர் சத்திரிய பெண்கள் மேல்நிலைப்பள்ளி அணியும் ராஜபாளையம் ஸ்ரீ ராவ்பகதூர் ஏ.கே.டி. தர்மராஜா பெண்கள் மேல்நிலைப்பள்ளி அணியும் மோதின.

இதில் சத்திரிய பெண்கள் மேல்நிலைப்பள்ளி அணி 18-0 என்ற புள்ளி கணக்கில் வெற்றி பெற்றது. வெற்றி பெற்ற அணியின் மாணவி சங்கரி 14 புள்ளிகள் எடுத்து அணியின் வெற்றிக்கு உதவினார். இதனைத் தொடர்ந்து 17 வயதுக்குட்பட்ட பிரிவினருக்காக நடைபெற்ற போட்டியில் விருதுநகர் சத்திரிய பெண்கள் மேல்நிலைப்பள்ளியும் ராஜபாளையம் ஸ்ரீராம் பகதூர் ஏ.கே.டி தர்மராஜா பெண்கள் மேல்நிலைப் பள்ளியும் மோதின. இதில் 41-18 என்ற புள்ளிகணக்கில் சத்திரிய பெண்கள் மேல்நிலைப் பள்ளி அணி வெற்றி பெற்றது. இந்த போட்டியில் மாணவி குரு தீபா 17 புள்ளிகள் பெற்று சிறப்பான ஆட்டத்தை வெளிப்படுத்தினார். போட்டியில் வெற்றி பெற்ற மாணவிகளுக்கு பள்ளி தாளாளர் பொன்ராஜ், பள்ளி தலைமை ஆசிரியை சாந்தி ஆகியோர் சான்றிதழ் மற்றும் பரிசுகளை வழங்கினர். அடுத்து மாநில அளவிலான போட்டிகளில் கலந்து கொள்ளவிருக்கும் வெற்றி பெற்ற மாணவிகளுக்கு வாழ்த்து கூறினர்.