மனைவியை தாக்கிய கொத்தனார் மீது வழக்கு

அரியலூர் மாவட்டம் தா.பழூர் அருகே உள்ள உதயநத்தம் காளியம்மன் கோவில் தெருவில் வசித்து வருபவர் ரமேஷ், கொத்தனார். இவருடைய மனைவி ரேவதி (வயது 31). இவர்களுக்கு ஒரு மகனும், ஒரு மகளும் உள்ளனர். இந்தநிலையில் ரமேஷ் தனது மனைவியை தகாத வார்த்தைகளால் திட்டி தாக்கியதாக கூறப்படுகிறது. இதில் காயம் அடைந்த அவரை உறவினர்கள் மீட்டு ஜெயங்கொண்டம் அரசு மருத்துவமனையில் சேர்த்தனர். அங்கு அவருக்கு டாக்டர்கள் சிகிச்சை அளித்து வருகிறார்கள். இந்த சம்பவம் குறித்து ரேவதி அளித்த புகாரின் பேரில் தா.பழூர் சப்-இன்ஸ்பெக்டர் சுப்ரமணியன் வழக்குப்பதிவு செய்து விசாரணை நடத்தி வருகிறார்.